Animación para principiantes

Animar é un arte. Non. Animar é un arte divertido. Tamén poderíamos dicir que animar é unha técnica mediante a que lle das vida a personaxes ou obxectos, mais o certo é, que animar é moitas máis cousas... sobre de todo: é maxia! Para falar de animación, debemos comezar por falar dos nosos ollos. Non é estraño? Si, éo... porén, a capacidade de xerar a sensación de animación xorde da nosa capacidade para ver, máis especificamente da forma na que vemos. Ver é unha ciencia!

Imaxina que tes unha morea de fotografías, agora imaxina que comezas a ollalas, unha por unha, tan rápido como poidas. Cada vez que te concentras nunha foto, os teus ollos capturan a información e envíana ao teu cerebro para que este a procese e ti a poidas interpretar: vexo unha casa, vexo un barco, vexo ao meu tío!, etc. Normalmente as persoas creen que «ver» é simplemente abrir os ollos, mais na realidade, cada vez que «ollas» prodúcese un gran intercambio de información entre os teus ollos e o teu cerebro, para que ti sintas que «ves». Este proceso no é doado de percibir xa que sucede nun espazo de tempo moi pequeno, moito menos dun segundo.

Agora ben, vexamos que acontece cando colles a morea de fotografías e comezas a repasalas de maneira rápida, unha por unha: por cada imaxe que pos diante dos teus ollos, o teu cerebro comeza a facer unha interpretación dela, porén, xa que estás substituíndo cada imaxe por unha nova, se fas á velocidade axeitada, o teu cerebro no alcanza a interpretar a totalidade da primeira foto e porén ten de comezar a interpretar a imaxe seguinte. Cando o fluxo de fotos é grande abondo e pasa a gran velocidade, o teu cerebro comeza a mesturar a información dunha imaxe, coa que lle segue e coa que lle segue, xerando a sensación de movemento, é entón cando sucede a maxia e podemos falar de animación.

Calculase que o ollo humano só é quen de diferenciar ata 24 imaxes se tenta velas, unha tras outra, durante un segundo. Se o número de imaxes é igual ou superior a 24, entón o ollo comeza a percibir que os elementos que compoñen a imaxe comezan a adquirir movemento. Un momento. Quere dicir isto que un filme non é máis que unha enorme morea de fotografías que pasan fronte aos meus ollos a moita velocidade? A resposta curta é: Si! Porén, debemos ter en conta que un filme é algo un chisco máis complexo, pois é contido audio-visual, o que significa que tamén inclúe son e unha gran cantidade de detalles técnicos que deixaremos para máis adiante.

No mundo da animación, cada imaxe que a compón, coñecese como fotograma (frame en inglés), así pois, a velocidade coa que se proxecta un filme mídese en fotogramas por segundo (en inglés: Frames Per Second ou FPS). Cantos máis fotogramas teña unha animación, a ilusión de movemento será moito maior e cantos menos teña, a sensación de fluidez irase perdendo.

Na actualidade, contamos cunha gran variedade de técnicas de animación, coas que podemos crear contidos como os que vemos en filmes e vídeos. Estas son algunhas das técnicas:

Moi ben, agora que xa temos un pouco máis claro o concepto de animación, vexamos de que se trata Tupí! Imos aló, a nosa definición é básica abondo: tratase de Software Libre para o deseño e a creación de animación en 2D. Un proxecto desenvolvido por animadores, para animadores e que agora, nesta nova etapa vive en constante evolución.
Queres aprender a utilizalo? Que estás a agardar? Comecemos!